|
ORDES DE DEMOLICIÓN EXECUTADAS.
As edificacións ilegais e ciscadas polo territorio causan perxuizos para todos os cidadáns porque:
- Consumen solo -que é un recurso natural, escaso e non renovable-
- Degradan a paisaxe, a natureza e os terreos productivos
- Incrementan a mobilidade froito de dispersión, dificultando a xestión do transporte público e provocando problemas de conxestión, contaminación e custosas infraestructuras
- Encarecen o custo de xestión e mantemento dos servizos básicos que temos que soster entre todos os cidadáns co pago dos impostos
- Eluden a participación da comunidade nas plusvalías xeradas pola acción urbanística dos deberes de cesión do solo para dotacións públicas, de execución das obras de urbanización, e de xusta distribución de beneficios e cargas entre os propietarios.
Os intereses xerais -que esixen a utilización racional do solo para satisfacer as necesidades de todos os cidadáns e a participación da comunidade nas plusvalías xeradas pola actividade urbanística- deben prevalecer sobre os intereses particulares dos infractores.
|
